أفضل قالب بلوجر للمدونات الإخبارية والتقنية

السلام عليكم ورحمة الله وبركاته
النهارده بإذن الله هنتكلم عن موضوع بيشل كل طالب في الثانويه العامه وممكن يكون سبب اساسي في فشل معظم الطلاب وهو ان معظمنا مذاكرش طول حياته وفاكر انه هيدخل 3 ثانوي يذاكر 24 ساعه !! انا كطالب ثانويه عامه بقولك.. مستحييييييييل.
بس احنا دلوقت باقي حوالي 3 شهور علي الامتحان ولازم غصب عننا نتحرك ونذاكر ونجتهد عشان منندمش طول حياتنا .. متقولش اخر شهر هذاكر لأنك لو استنيت لأخر شهر يبقا مش هتذاكر وحتي لو ذاكرت ابقا قابلني لو جبت درجه كويسه.. لازم لازم لازم تبدأ من دلوقت..

يلا نبدأ بقا..
أولا: تقفل الفيس بوك والواتس والماسنجر والفايبر خالص أو لو مش هتقدر يبقا ساعه بالكتير في اليوم.
ثانيا: تقرب من ربنا وتصلي وتقرأ قرآن لو حتي سوره واحده كل يوم.
ثالثا: تسيبك بقا من اصحابك والبنات والخروجات كده كده لما تدخل الكليه هتبقا براحتك ابقا اعمل اللي انت عايزه.
رابعا: مش هقولك ذاكر 10 ساعات في اليوم لأ ذاكر علي قد ماتقدر.
خامسا: نظم وقتك.
سادسا: مواقع كويسه اوي هتكون مدرسك في البيت لأنها هتوفرلك شرح لجميع مواد الثانويه العامه.
الموقع الأول : nafham.com
الموقع الثاني : cairodar.com
سابعا: ودي احلي هديه مني ليك !! .. جدول مذاكره منهج الثانويه العامه كامل في 60 يوم بس !! هتلاقيه في المرفقات.. علمي رياضه لوحده وعلمي علوم لوحده وادبي لوحده والجدول مكون من صفحتين 30 يوم و30 يوم

اظن كده انا عملت اللي عليا اعمل انت بقا اللي عليك وذاكر بقا حرام عليك..

يلا ربنا يوفق الجميع.. الحق اروح اذاكر انا بقا (: D: